TGBTS 108

《TGB通訊》第108期 2008.09

Mài koh 騙ka-tī ! / Pasuya

是ka-tī 做得來--ê ! / Sin

Góa ê 新頭路 / Gio̍k-hōng

西元 kap 國際觀 / Phek-iàn

Siáⁿ-mih 是順法鬥爭? / Kaut

文化戰爭 / Tek-hôa

Chhōe 出源頭 / Chùn-kiat

20冬來 ê 錯誤 kap 矛盾(4) / Tek-hôa

心靈地圖(5) / Bûn-chhái

蘭嶼記情(3) / Bûn-ngá

1工(2) / Noya

8 月 14 暗時, lán-lâng 7 月半, 陳水扁「律師」開記者會 kā 台灣人會失禮, 承認 tī 海外有秘密口座, i bòai koh 騙 ka-tī, mā bòai koh 騙別人--a.

8月14日晚上，舊曆7月半，陳水扁「律師」召開記者會向台灣人道歉，承認在海外有秘密帳戶，他不要再騙自己也騙別人了。

今年 tī 中華民國立委 kap 總統選舉, 民進黨 sio 連續大輸, 陳水扁落任總統 chìn 前, koh piak 出邱義仁事件, 死忠 sio-thīn ê 支持者 ut-chut to iáu-bōe tháu, chit-má 陳水扁承認有海外口座, tō ná tùi 支持者 ê chhùi-phóe 大大力 koh siàn--落. Kā 民進黨 hōaⁿ 權當做是台灣人「出頭天」ê 支持者, 1 時間 soah 雞 chhùi 變鴨 chhùi, bē-su é-káu teh 死 kiáⁿ, 苦杯一直 ǹg 腹肚底吞--落.

今年在中華民國立委和總統選舉，民進黨接連大敗，陳水扁卸任總統前，又爆出邱義仁事件，死忠的支持者鬱卒尚未消解，現在陳水扁承認有海外帳戶，就等於又甩了支持者一巴掌。把民進黨執政當做是台灣人「出頭天」的支持者，立刻雞嘴變鴨嘴，有如啞巴壓死子，苦酒只能一直往肚裡吞。

續--落-來, 台派頭人 soah kiàn-siàu tńg siūⁿ 氣, 開始 sōan 陳水扁, koh 有人叫陳水扁緊去死死--leh. 過去, 陳水扁政權 kiàn-pái 若出包, chiah-ê 台派頭人 soah lóng 替陳水扁背書, in 講國民黨 chau-that 台灣人 10 分, 民進黨 chiah kā lán thún 5 分, iáu 是比國民黨 khah 進步, 繼續 kā 支持者 ê 熱情 kōaⁿ 去「鞏固領導中心」. Taⁿ in 有 siáⁿ 立場大聲? In beh kàn-kiāu 陳水扁 chìn 前, ka-tī kám 免先 kā 台灣人會失禮?

接著，台派頭人見笑轉生氣，紛紛痛罵陳水扁，還有人叫陳水扁趕快消失。每次陳水扁政權出包，這些台派頭人都一再地為陳水扁背書，他們說國民黨蹧躂台灣人10分，民進黨只蹧躂我們5分，還是比國民黨進步，繼續將支持者的熱情引去「鞏固領導中心」。如今他們有啥立場大聲？他們要痛罵陳水扁前，自己難道不必先向台灣人道歉嗎？

Hiau-pai 無落魄 ê 久, taⁿ 陳水扁 lak 衰--a, 過去 png 陳水扁「總統」ê 福氣 chiah thang la̍k 權 la̍k 勢 hiah-ê 政客, koh 緊 kā 陳水扁 chàm 1 kha; éng-kòe tī 陳--家邊--á phô͘-phô͘-tháⁿ-tháⁿ, taⁿ soah sûi 切 kah lī-lī-lī,「góa bē koh 相信 in tau 講 ê 話--a......」龜笑鱉無尾! Chiah-nī 現實, chiah-nī 無情無義, chiah-nī m̄ 知 kiàn-siàu! Chit 種人若 koh 選 ē tiâu, 若 koh hō͘ in 有 thang chhàng-chhiu, án-ne, 台灣社會 kám iáu 有是非 kap kiàn-siàu 心?

囂張無落魄的久，現在陳水扁落衰了，過去依仗陳水扁「總統」的福氣才得以有權有勢的那些政客，卻趕緊落井下石；以往緊抱陳家大腿，現在卻立即劃清界線，「我再也不相信他家講的話了……」龜笑鱉無尾！這麼現實、這麼無情無義、這麼不知慚愧！這種人若還能選得上，台灣社會還有是非和廉恥心嗎？

Lán ē 行到今 á 日 chit-ê khám-chām, lóng 是 ka-tī 做得來--ê, taⁿ 7 月半鴨 á m̄ 知死, chiah tū-lān siūⁿ 氣 2 工, 台灣人 tō 開始 chòaⁿ 出各種理由來 am 護陳水扁: mài hō͘ 國民黨設計--去, 海外口座是台獨基金......, tō 是 m̄ 敢 mā bē-sái 承認過去支持民進黨, 死 thīn 陳水扁是 m̄-tio̍h--ê!

我們會走到今天這種地步，是咎由自取，如今七月半鴨仔不知死，賭爛生氣兩天，台灣人就開始編出各種理由來維護陳水扁──不要被國民黨設計了、海外帳戶是台獨基金……，就是不敢也不能承認過去支持民進黨、死挺陳水扁是不對的！

Tio̍h tō 是 tio̍h, m̄-tio̍h tō 是 m̄-tio̍h! Lán 若 iáu ǹg 望有 1 工正經 ē-tàng 有尊嚴, khiā-thêng-thêng, tō mài koh ka-tī 騙 ka-tī !

對就是對，錯就是錯！我們若仍希望能有尊嚴、抬頭挺胸的一天，就不要再自欺欺人！

A扁--á kā 國民黨 ê 追殺定位做政治鬥爭, siōng tāi-seng 影響--tio̍h-ê 是台派團體 8/30 ê 遊行, 百面 ē hông 操作做「挺扁」kap「反馬」ê 戲齣, 本底「爭主權, 顧腹肚」ê 訴求 koh ē hông khàm 無--去-a.

阿扁將國民黨的追殺定位為政治鬥爭，首先衝擊到的將是台派團體的830遊行，勢必被操作成「挺扁」與「反馬」的戲碼，原本的爭主權、顧肚子訴求又會被模糊了。

A扁--á ē hō͘ 國民黨追殺, 完全是 i ka-tī 做得來--ê. Mài bē 記--得, i chhím 當選 tō 去 kap 蔣家 ê 大特務頭王昇 ak 手; mài bē 記--得, i bat 講『即使動搖國本拉法葉案也要水落石出』; mài bē 記--得, 是 siáng 1 pái koh 1 pái hō͘ 台灣人傷心絕望.

其次，阿扁被國民黨追殺完全是他咎由自取。別忘了，他剛當選時就去緊握蔣家頭號鷹犬王昇的手；別忘了，他說過即使動搖國本拉法葉案也要水落石出；別忘了，是誰一次又一次地讓台灣人傷心絕望。

台灣人! Che kám 是 lán beh ài ê 國家? 台灣人! Chit 款無是非 ê 政治, lán beh koh 忍受 jōa 久? 台灣人! Lán 若無對政客殘忍, tō 是對 lán ê kiáⁿ 孫殘忍! Lí 知--無?

台灣人！這個是我們要的鄉愿國家嗎？台灣人！這種是非不分的政壇我們還要忍受多久？台灣人！如果我們不對政客殘忍，就是對我們的子孫殘忍！你知道嗎？

借用 1 ê 網路朋友講 ê 話, lí 看 ē tio̍h góa tī 網路頂 ê 文字, m̄-koh lí 看 bē tio̍h góa 滴 tī keyboard ê 目屎!

套用一位網友說的話，你看得見我螢幕上的字，可是你看不見我滴落鍵盤的淚！

經過 chiah chē 事件, 台灣人 iáu 是無法 tō͘ 發展出正直 ê 品格, án-ne góa kan-taⁿ ē-tàng 講, lán 確實無資格起造 1 ê 新國家, 該 hông chau-that ê 工人, 農民, 漁民, 原住民 chiah-ê 勞動大眾, mā 應該繼續 hông chau-that. Lí 若連自救 ê 勇氣 to 無, 耶和華 nah tio̍h 派天兵天將來 kā lí 幫贊--leh?

歷經了這麼多事件，作為台灣人還是無法發展出正直的品格，那我只能說，我們的確沒有資格擁有一個新國家，該被奴役的工農漁原住民等勞動大眾也應該繼續被奴役。當你連自救的勇氣都沒有了，耶和華又何必遣天兵天將來幫助呢？

Tńg 來 chit 間公司上班個外月--a, kap 4 冬前 siōng 大 ê 無 kâng, tō 是原本台灣屬「亞太平洋區」, chit-má soah 改做「大中國區」; 當然, 直屬 ê 頂司 mā ùi「芬蘭人, 澳洲人, 新加坡人」, 換做 tī 北京 ê 中國人.

回來這間公司工作一個多月，跟4年前最大的不同，就是本來台灣屬於「亞太平洋區」，現在改成屬於「大中國區」；當然，直屬的老闆也從「芬蘭人、澳洲人、新加坡人」，換成在北京的中國人。

自 1993 年出業到 taⁿ, góa 一直 lóng tī 跨國公司 ê 美商 iah 是歐商公司 chia̍h 頭路. 照過去 ê 經驗, 台灣 lóng 屬「亞太平洋區」. M̄-koh 自中國經濟起--來了後, chiah-ê 跨國公司為 tio̍h「同文同語」ê 考慮, iah 是想 beh mo͘h 中國大腿 ê 心態, choaⁿ-á kā 台灣列入去大中國市場 ê 1 區.

自從1993年畢業以來，我一直都在跨國公司的美商或歐商公司工作。依過去的經驗，台灣都是屬於「亞太平洋區」。不過，中國經濟起來以後，這些跨國公司基於「同文同語」的考量，或是想抱中國大腿的心態，就將台灣列入大中國市場的一區。

目前 ùi 公司 ê 結構看--來, 中國內部 pun 做東, 西, 南, 北 4 區, 台灣 kap 香港, 澳門 hông pun 做 tī kāng 1 區, pìⁿ 做大中國區內底 ê 1 ê 小區. Chit 款安排, 台灣 ê 地位 tō 真明顯--a, 台灣 tio̍h-ài kā 中國 ê 頂司報告. M̄-koh 台灣 ê 通訊已經行到 3 G~3.5 G ê 技術, 中國 iáu kan-taⁿ 2 G niâ; 台灣接 ê 案 kap 營收, mā ē-tàng kap 日本 iah 是韓國 kāng 1 級, 是 án-chóaⁿ 韓國 m̄ 免 pìⁿ 做中國 ê 1 區? Tō 因為「同文同語」, tio̍h-ài 委屈變做中國 ê 1 部份? 真 chē 公司內部先進 ê 系統導入, tō 因為屬 tī 中國區, 台灣 koh 去 hō͘ 中國拖累--tio̍h leh!

目前從我工作公司的架構上看來，中國內部分為東、西、南、北四區，台灣、香港、澳門被分做一個區，成為大中國區內的一個小區。這樣的安排，台灣的地位再明顯不過，台灣得向中國的主管報告。然而台灣通訊已經在架設3G~3.5G的技術，中國目前卻只有2G；而且台灣接的案子與營收，也可以跟日本或韓國平起平坐，為什麼韓國不成為中國的一區？就因為「同文同語」，就得委屈變成中國的一部份？許多公司內部先進的系統導入，就因為屬中國區，台灣還得受到中國的拖累呢！

Chhím tńg 去上班 ê 時, 看 tio̍h chit 款結構了後, 心內有影感覺真悲哀. 台灣人 iah 是政府若是有台灣意識, nah ē-tàng 容允 tiàm tī 台灣 thàn 大 chîⁿ ê 外商 án-ne bú? Koh 再講, chiah-ê 外商 siōng 大條 ê seng-lí tō 是國營事業, soah koh chiah chhàng-chhiu teh 壓制 lán ê 地位. 跨國資本 tī 中國 kám m̄ 是 lóng tio̍h ǹg 中國政府 àⁿ 頭, m̄ 敢 chhìn-chhái 得罪中國? Tī 台灣 ê 跨國資本, soah 顛倒是台灣政府 m̄ 敢 kā in 得失! 中國 ē-tàng, nah ē 台灣 tō 是無法